滕丽名分享演艺圈31年心路历程 谈失落金像女配感受

etin

无綫处境剧《爱‧回家之开心速递》中饰演“熊尚善”的滕丽名接受电台访问，今年凭电影版《寻秦记》再创事业高峰，并首获香港电影金像奖最佳女配角提名，她在节目中分享于演艺圈31年的心路历程，对失落金像女配的感受，她说：“一定会觉得自己有机会，但一啲都无失望，因为成件事已经赚咗。”原来，经历共18次无綫颁奖礼，包括2000年热爆全城的《陀枪II》大热，但最终也落败，早已睇化奖项，潇洒看透得失的她绝不介怀：“攞唔到我真系习惯咗，我只系试过1年真系唔开心，就系《陀枪II》陈三元畀人强奸嗰年，因为收视真系好高，我谂就算唔系角色，套剧都应该有份攞奖，嗰阵我真好失望好失望；自此我就同自己讲唔会再失望，因为control唔到，睇化。”阿滕谈及90至2000年代，鲜有像其他花旦会为登杂志封面而影性感相，她承认多次获邀约，更大爆曾有电影公司以百万利诱斟她拍三级片：“有记者搵我影，更加有人搵我拍脱戏添，我讲真嘅！但我净系觉得黐线。百万片酬？系有，但我真系接受唔到，你睇我唔似，但我系好保守嘅人。我当年无参加港姐去参加新秀，就系因为过唔到着泳衣嗰关；我去沙滩都唔会着泳衣。”
由入行至2013年与圈外老公Matthew结婚前，阿滕曾有过两段圈中情，故一直被形容情路坎坷。她说：“我从来无呢个感觉，我只系觉得自己几幸运同洒脱，话走就走无问题。”赞她分手后从没卖惨或斥责前度，她说：“中间发生乜事大家唔会知，亦觉得毋须要申明，只系到某个时刻我要结婚，我要尊重我另一半，唔可以令佢蒙羞，先至回应咗啲唔系事实嘅嘢。同每个人拍拖，都一定有美丽回忆，如果搞到核核突突，又何必呢！”阿滕用“脑雾”来形容自己面对不开心的过去：“啲人话我冻龄，可能就系我唔系好记得啲唔开心嘢。人生有几多时间，记住啲唔开心嘢好唔抵，我真系脑雾洗得好快。我系恋爱脑，但好快复原，同拍拖年期系唔成正比，哈！”
阿滕坦言，过往的情伤对她绝无阴影，因学品酒认识圈外老公Matthew，二人交往了两年便于2013年结婚至今。至于13年婚姻的保鲜秘诀，她说：“我哋无停过，日日玩低能嘢。一入门要冲埋揽揽、又会扮玩猫跳，即使朋友响度，我都唔会介意。入门口都会好似只狗咁扑上去佢度，我哋无掩饰，最紧要表达自己，大家唔会收收埋埋；两公婆最好沟通方法，就系能够响对方面前呈现一个小朋友嘅形态，即代表对大家有安全感。”至于婚后未有生育是否遗憾，她说：“结婚头一年系想过有，只系好短暂试过，但无遗憾。每样嘢都有优点同缺点。我系一个控制狂；如果我有小朋友，佢会好大压力，都未必系一件好事。”