萧正楠做老窦心态改变 唔再盲目“冲锋陷阵”

etin

艺人萧正楠昨午（10日）出席《魔音女团》宣传活动。受访时问到他是否归心似箭，想早些回家陪伴太太黄翠如过母亲节，他冧爆说：“我又冇乜惊喜准畀佢喎，我依家好呆，一个人凑咗20几日囝囝呀！”阿萧笑指反过来翠如给了自己一个大大的惊喜：“佢话畀我听边日返嚟，我同佢讲我带埋个仔开车去机场接佢，点知佢早咗一日返嚟，失惊无神推门入嚟，跟住我陪佢去公园搵囝囝，个仔呆咗3秒就认得出佢，翠如即刻放下心头大石嘞，事关佢成日惊错过咗好多！”阿萧指自己早前到澳洲拍摄旅游节目，返港时囝囝也反应爬大：“本来佢换紧片嘅，一见到我就哈哈大笑，嗰晚笑咗好耐。（系唔系好唔舍得出埠嘞？）其实经过咗翠如呢次，我都觉得应该系最后一次嘞，我哋真系唔好离开太耐，就算拍嘢都尽量缩短时间，好似我嚟紧去美国登台，都系前后几日就返嚟。”

他直认当了父亲后自己心态很不同，不会再盲目“冲锋陷阵”，想留多点时间陪伴家人。问到倘若出埠拍剧的话如何打算，阿萧笑言：“好彩啦，依家都冇乜剧拍啦，哈哈！”谈到日前于中山举行演唱会，他即谓：“成个四月都好忙，当时状态好差，开骚前把声烂嘅，好彩我妹肯留喺香港帮我凑囝囝，亦都要多谢苗侨伟、黄日华及曹永兼等一班好兄弟帮忙，尤其阿廉真系要畀10个Like 佢，佢全日好似我贴身保镖咁，所有嘢帮我安排得妥妥当当，有佢喺度我真系太快乐。（请佢食饭？）咁都唔够表达我嘅心意。”谈到剧集《公公出宫》拍档李家鼎的状况，阿萧无奈表示：“佢嘅家事我唔应该讲，不过我亲眼睇住佢啲几年状态真系冇咁好，攰咗啰，我希望佢家庭嘅嘢唔好再咁上心，尽量顾咗自己嘅健康为先。（你嘅育儿心态系点？）我真系比较严，有时话咗唔得嘅嘢就坚决唔畀囝囝做，哪怕佢喊到拆天，真系唔会放纵佢，佢依家岁几，要由细就畀概念佢，有啲嘢唔得就唔得。”