汤洛雯生日与马国明情侣装出巡 Sweet见2Line党

etin

视帝马国明嘅爱妻汤洛雯（靓汤）日前（6日）正日39岁生日，于社交网上载大批庆生照，当中就见到老公马国明、索爆细妹汤乐瑶（Cassandre）、“2Line党”成员朱千雪、岑杏贤及蒋家旻等为佢欢乐庆生，连佢自己都话过咗个好精彩嘅生日周！靓汤留言：“充满爱、欢笑和美食的精彩一周，感谢我所有亲爱的家人和朋友，以及你们发来的所有信息”见合照中，靓汤以浅色恤衫同着黑色恤衫嘅马国明头贴头合照，明显夹晒情侣装，加上佢手捧大扎鲜花，幸福模样令人羡慕。佢又上载一张同妹妹汤乐瑶合照，见佢着上同一套衫，似乎阿妹系做“电灯胆”Join埋食生日饭，感情极好。佢大晒其中一份生日礼物，见佢拎住粉红色水杯，上面印有两只爱猫，同代表佢同马国明嘅独角兽锡锡图案，并有“TLM HAPPY SWEET 39”字样，非常有心思。另外，靓汤又同“2Line党”齐人庆生，只见佢哋4女个个精神饱满、笑容十足，饭局上同样又有Cake又有鲜花，“2Line党”爱锡靓汤嘅程度不输马国明。