陈滢开骚前夕紧张到发噩梦 蔡洁笑言合作似拍拖
本帖最后由 etin 于 2026-4-10 09:10 编辑两大女神陈滢和蔡洁将于25日到澳门举行限定现场演出《Pillow Talk》，日前她们接受访问，陈滢在节目中表示，年初时仍是一个很初步的概念，时间过得很快，两个星期后便要举行了，现在真的很紧张：“唱歌唔系我嘅擅长，我亦未试过喺台上现场演出，绝对系零舞台经验，我连舞台剧都冇参与过，又好少做商演，虽然平时大家见我好似好开朗，但系我入面系好怕羞嘅。今次要喺台上面对住咁多买飞入场嘅观众，我会觉得‘Oh my god，点做？’。”并自爆受访前还发噩梦，“个梦就系我揸住枝咪，准备喺我呢个Show出场，但竟然入唔到Key，当时我喺梦里面好惊。”蔡洁亦喊惊：“其实我都系差唔多咁惊，不过我觉得两个人一齐做Show嘅好处就系有人傍住你。啱啱我前几日都去咗珠海睇胡定欣嘅Show，佢好犀利，我一路睇一路学嘢。我当其时觉得佢一个人撑起两个钟嘅Show，真系唔易。嗰一刻我觉得就算喺台上面发生任何状况都好，至少我隔篱有陈滢喺度。”
主持问陈滢在电视剧《卧底娇娃》中也有献唱，陈滢笑称：“嗰啲有得Cut同NG㗎，舞蹈部分又可以重拍。不过今次好开心可以同蔡洁一齐经历我哋喺台上嘅第一次。因为如果系同一个有经验嘅艺人一齐演出，你都会好惊，因为隔篱嗰个人好似劲过你好多。但我哋依家两个都系差唔多经验，一齐去试呢件事，所以个心都定啲。”她们只想做好个部份，包括歌单和rundown都富有心思，会给予压力自己表现到最好，希望观众会话：“估我哋唔到！”。蔡洁表示Rap和跳舞部份会全部交给陈滢，“我同陈滢都系演员出身，喺个Show度都设计咗我哋嘅角色，所以今次个Show内容会好丰富，有Drama、唱歌跳舞同埋玩游戏。不过我对我嘅跳舞部份冇乜信心，其他部份希望可以Backup到。”陈滢补充说：“Jacky（蔡洁）好好，因为我哋拣嘅合唱歌，有啲我觉得真系好难唱，Jacky就会话啲高音位OK，由佢负责唱。”蔡洁说：“我哋大家做嘢互相互补，呢个系Teamwork。虽然我同阿滢各有各自嘅部份，而各自嘅部份又有自己嘅谂法，但系个Show始终都系我哋两个一体，所以我哋会将唔同嘅谂法、唔同嘅意见连埋一齐。虽然我个样好似好淡定，但其实内心都几淆底。”
陈滢表示发现与蔡洁有很多想法好相似，所以很夹得来，蔡洁就觉得今次和陈滢合作，同拍拖有少少相似：“即系大家咁啱喺嗰个Timing有差唔多嘅决定同谂法，大家先至可以行到落去。呢个系冇得事前夹嘅，我之前冇谂过系可以咁夹，因为之前拍剧都好少时间相处。起初得知同陈滢做呢个Show，我都有谂过最后会点呢？夹唔夹到呢？不过嚟到呢一刻我可以讲，好彩有阿滢喺度。今次我哋都有好多好朋友过嚟澳门支持我哋，我去睇人哋嘅Show嘅时候觉得多啲朋友嚟睇系好重要，今次就更加觉得系，因为当你喺台上面见到观众席全部都系你嘅朋友同粉丝，无论你做成点，大家都会好开心。”
页:
[1]