谢天华行街拖女被偷拍 罕见动怒睥粉丝获网友力撑
近年转战内地市场嘅谢天华，又做真人骚又拍戏，人气真系红透半边天。虽然谢天华剧接剧忙不停，不过对于家庭仍然相当重视，冇工开嘅时间更系瞓身陪家人。而私下向来亲民嘅谢天华，即使喺条街畀粉丝撞到都任影唔嬲嘅佢，日前陪4岁爱女Mia行商场时，发现畀人影相嘅佢，竟然罕见动怒黑面睥粉丝，并拉住囡囡急急脚走人，囡囡则相当可爱咁同偷拍粉丝挥手讲Bye Bye，虽然骤眼望落谢天华冇乜礼貌，不过保护爱女嘅举动亦引嚟网友力撑，纷纷怪番偷拍粉丝侵犯私隐，唔尊重人呀！
页:
[1]